愛茶 (已結業)

今日去尖沙咀行街，咁啱行過呢間茶飲店，入去睇吓佢個menu，原來呢間係英記茶莊旗下嘅茶飲店，所以都幾多唔同嘅中國茶飲，今次就試咗鮮果冠軍紅烏龍同鳳梨奶蓋大理石試吓。鮮果茶真係好足料，有大量嘅生果喺入面，有西瓜、奇異果、提子、士多啤梨、菠蘿同西柚，配合埋紅烏龍估唔到又幾夾，茶味香濃，d水果又新鮮，有好fresh嘅感覺。鳳梨奶蓋大理石，原來係菠蘿沙冰，加上芝士奶蓋，首先先飲上面d芝士奶蓋,好香滑同好濃嘅芝士味，之後攪勻同沙冰一齊飲，非常match,酸酸甜甜，勁開胃。