三田製麵所 (K11購物藝術館)

营业中

休息中

雖然呢間麵店喺香港都開咗好耐，不過今次都係第一次食。聽過唔少人講呢間沾麵好食過拉麵，今次咁啱經過就試試啦。濃香豚骨魚介沾麵 $78呢款沾麵有幾個size，大中小都係同價，我叫咗細嘅就啱啱好，份量十足。麵揀咗凍嘅，口感煙韌，係傳統粗身沾麵條。沾麵湯嘅魚味好濃郁，味道啱啱好夠鮮唔會太鹹，湯汁掛曬每條麵，如果再熱啲就更好。叉燒就乾身咗啲，有啲嚡口。糖心蛋稍微過熟。整體嚟講沾麵質素正常，叫做對得住個價錢，不過要排隊就唔太值。