吉列牛忌廉烏冬專門店 (彌敦道) (已結業)

太太話好耐無行過花園街，叫我陪吓佢買衫買鞋，行到十二點幾，我好肚餓，佢帶左我去一座大廈，全座8成都係食店來的，叫我選，有幾間都係心水，諗諗下，不如食韓國野就上左去Kobekyu了有A la carte Menu之外仲有lunch menu. 主要係茶漬飯餐，韓式炒牛肉茶漬飯$58，吉列大蝦茶漬飯$65，蒲燒鰻魚茶漬飯$78等，湯底可選擇清香抹茶湯，蔬菜鰹魚湯和Tonkotsu豚肉湯。 但係見到隔離枱嗰碗忌廉麵好似好吸引就叫嚟試。 依個係忌廉咖哩牛肉烏冬，一嚟到就有大量企身既忌廉響面，有幾粒葱花響面，幾靚～完全係呃like位！ 我心諗死啦咁大Pat cream,點食吖。原來個cream都幾易溶響碗咖哩牛肉烏冬度。 咖喱都算幾濃而且幾香又唔會辣，同溶左既忌廉原來幾夾，烏冬本來很爽滑， 加埋忌廉更細滑，牛肉切得厚度適中， 有咬口，另有一啲蔬菜， balance返。玫瑰花特飲$38很出既玫瑰花味，十分清新， 唔好睇杯唔係幾大杯，原來都幾㩒飲，夠香味之餘又唔會過濃，看似平凡但十分出色(起碼啱口味！！)依間韓店的食物都幾特别，再唔係炸雞，年糕，歩隊鍋嗰啲。。。下次再嚟試下其他野食先！