影片
更多
2016-03-15
964 浏览
早早的母親節飯聚，試過黎 1 次 lunch 飲茶，今次試埋個晚飯啦，生生性性喇。我好想飲湯呀，係屋企好少機會煲依類湯，但屋企人完全無興趣，算數。阿媽無啦啦買左張乳豬卷，只係百六蚊一隻囉，叫左唔好貪平，咁既價錢我一早已無任何期望，所以好安心無壓力，哈哈。燒乳豬全體，大家都覺得好似屋企隻肥歌基呢，身材基本上一模一樣，好搞笑！燒乳豬全體，侍應阿姐搬隻豬出黎比大家拍照留念，留下遺照後就用鉸剪將佢分屍喇﹗乳豬係就係夠大隻，百六蚊似乎好抵食，我都預左質數唔好得去邊。肥騰騰，厚厚既皮下脂肪，上面蓋住係一咬即碎即散既乳豬皮，應該係翻燒過，所以唔夠香脆。撇開肥膏同碎皮唔講，其實肉質都好嫩滑，肉味濃帶少少肉汁，味道都唔錯架喇﹗剛才連膏連皮一齊食，油膩感爆棚，四五舊滯晒，剩返半隻又要打包返屋企，炆冬瓜會好好味。魚湯碧綠斑球，其實我想食新鮮蒸游水海魚，阿媽係都話唔抵食，要 order 依味餸，唉﹗是鬼但啦。斑球味道同感地都不過不失啦，雖然啖啖肉，但都預左會鞋口。莧菜底夠鮮嫩，配上魚湯幾好味噃，滿意。啫啫通菜豚肉煲，問清楚係咪水通先，係水通喎，有口福﹗即刻落 order 啦。滾熱辣啫啫聲上枱，好鬼香呀 ﹗係銀
阿媽無啦啦買左張乳豬卷，只係百六蚊一隻囉，叫左唔好貪平，咁既價錢我一早已無任何期望，所以好安心無壓力，哈哈。燒乳豬全體，大家都覺得好似屋企隻肥歌基呢，身材基本上一模一樣，好搞笑！
燒乳豬全體，侍應阿姐搬隻豬出黎比大家拍照留念，留下遺照後就用鉸剪將佢分屍喇﹗乳豬係就係夠大隻，百六蚊似乎好抵食，我都預左質數唔好得去邊。肥騰騰，厚厚既皮下脂肪，上面蓋住係一咬即碎即散既乳豬皮，應該係翻燒過，所以唔夠香脆。
撇開肥膏同碎皮唔講，其實肉質都好嫩滑，肉味濃帶少少肉汁，味道都唔錯架喇﹗剛才連膏連皮一齊食，油膩感爆棚，四五舊滯晒，剩返半隻又要打包返屋企，炆冬瓜會好好味。
魚湯碧綠斑球，其實我想食新鮮蒸游水海魚，阿媽係都話唔抵食，要 order 依味餸，唉﹗是鬼但啦。斑球味道同感地都不過不失啦，雖然啖啖肉，但都預左會鞋口。莧菜底夠鮮嫩，配上魚湯幾好味噃，滿意。
啫啫通菜豚肉煲，問清楚係咪水通先，係水通喎，有口福﹗即刻落 order 啦。滾熱辣啫啫聲上枱，好鬼香呀 ﹗係銀蝦醬味道，見到好多銀蝦仔呀﹗香口惹味到不得了 ﹗水通非常爽嫩鮮甜又多汁，大大紮塞入口先夠滿足，嘩哈哈﹗
再試吓卷住豚肉片同吃，更加冶味呢 ﹗豚肉片肉味濃，腍得黎又不失咬口，好好食。到低係日本豚肉？定係大陸豬肉呀？無所謂，最緊要安全新鮮好味。
上湯焗波士頓龍蝦跟伊麵底，原價 HKD138 加伊麵要 HKD30 囉，個伊麵太貴喇麻。全晚既餸麻麻地又鬼咁悶，我點都要 order 樣精彩架喇！阿媽又係度對侍應問長問短，我一向要食的話點都食架啦，唔好煩。嘩，勁多汁喎，我都鍾意汁，但有點過火。
伊麵腍劈劈，腍到夾唔到，我連掃兩碗落肚，飽左﹗上湯味香濃帶甜，不濁不嗆，過關。波士頓龍蝦夠新鮮，重秤足料仲啖啖肉，鮮味結實而十分爽彈，海鮮味非常特出，美味可以添食。
燒乳豬全體、魚湯碧綠斑球、啫啫通菜豚肉、上湯焗波士頓龍蝦跟伊麵底，四個人計埋茶錢、兩個白飯都四百蚊有找，又唔係難食，真係超值喎﹗
燒乳豬全體
81 浏览
0 赞好
0 留言
燒乳豬全體
103 浏览
0 赞好
0 留言
燒乳豬全體
89 浏览
0 赞好
0 留言
魚湯碧綠斑球
64 浏览
0 赞好
0 留言
啫啫通菜豚肉煲
49 浏览
0 赞好
0 留言
上湯焗波士頓龍蝦跟伊麵底
62 浏览
0 赞好
0 留言
燒乳豬全體、魚湯碧綠斑球、啫啫通菜豚肉、上湯焗波士頓龍蝦跟伊麵底
53 浏览
0 赞好
0 留言
张贴
