Maison Meiji (已結業)

灣仔荗蘿街呢橦大廈經過重建，保育，己變成展覽場地，還有食肆。呢間餐廳，室內裝潢仍然保留着懷舊風格，兼且有日本風味。和牛牛肉漢堡扒蛋包飯滑溜嘅蛋仍然流動著蛋漿，包裏著飯不只是白米飯，混入了青椒和茄汁。牛肉粒夠入味，肉質軟腍。漢堡扒應該是自家製，比起坊間的較鬆軟。醬汁濃厚，有洋蔥和菇類嘅配搭，口感豐富。Hand Drip Coffee - Columbia 嚐了一口，慢慢滲出果香，杏脯嘅味道。口腔內餘韻持久。放涼之後，味道起了變化，感覺有朱古力嘅焦香。飲手冲咖啡最特別之處在於過程中變化。