影片
更多
2017-06-20
5386 浏览
系铜锣湾行完街, 念住揾野食, 突然醒起前几日系网上见到有人介绍"邻居", 就决定行过去望下。去到既时候发现, 原来我地经过几次, 但系门面一啲都唔起眼, 如果唔系认真望, 都唔知系一间西餐厅, 会以为系一间外卖既coffee shop, 餐厅一共有两层, 地下系主要饮品料, 我见挂左个好咖啡既昼, 应该平时都会做下咖啡外卖咁...一入去就问有冇订枱, 心念莫非冇位, 等左一阵, 就叫我地沿楼梯上, 上左一层, 个装修好树林feel, 墙身有绿油油既叶...但系眼见已座满人, 原来我地唔系坐哩层, 待应再引领我地再上多一层, 哩层既风格同楼下那层好唔同, 哩层既墙身系水泥墙, 比较偏暗灯光, 带有少许工业风feel...我地初入座时, 只有两枱客, 但系陆陆续续, 不用半小时已座满客人了, 我见大部份人都有订枱, 所以如果有心想食, 都系建议订枱会稳阵啲!set dinner 有六款, 每款都有汤/饮品及甜品, 我地叫左黑松露鸭胸意大利饭, 沙律系凯撤沙律, 沙律菜爽口, 酱汁已捞好, 味道刚好, 汤应该系类似海鲜汤, 我觉得太"杰", 味道一般黑松露香味唔太重, 意大利粉偏硬身, 饭
set dinner 有六款, 每款都有汤/饮品及甜品, 我地叫左黑松露鸭胸意大利饭, 沙律系凯撤沙律, 沙律菜爽口, 酱汁已捞好, 味道刚好, 汤应该系类似海鲜汤, 我觉得太"杰", 味道一般
黑松露香味唔太重, 意大利粉偏硬身, 饭既湿度适中, 鸭胸有三块, 肉质不错, 但系我觉得太小了...四块会较好, 就算两人share 食都每人可有两块呀!
另外再单点了一客加拿大猪鞍扒, 薯条系粗薯身, 炸得不够干身, 太湿, 猪鞍扒配苹果溶作为酱汁, 猪鞍煮得太熟, 中间已变晒色, 即已熟透, 一般猪鞍扒中间系带粉色 (一般人会以为唔熟, 其实咁既猪鞍扒系最好食), 所以哩块猪鞍较鞋身, 同埋本身应该冇预先调下味, 整块猪鞍一啲味都冇, 只系靠个啲苹果溶作为调味, 但苹果溶系较淡味既配酱, 所以食落系-----"无味"
最后甜品, 好似系自家制椰子味雪糕, 好奶, 同埋拎到黎已经溶掉了..
另外再点了一杯"益力多梳打", 味道普普通通
张贴
