星怡

营业中

休息中

平时自己好少食星马菜，我以为星马菜黎黎去去只有海南鸡同肉骨茶，以上两款食物我都麻麻地。不过今日屋企人带我去黄大仙既星怡，原来炒贵刁同麦片虾咁好味。星怡面积几大，室外座位有live music表演，坐系室内既我都听到歌手既歌声🤣- 海鲜酿油条油条中间加左虾滑，口感外脆内软，整体食落唔算好油腻。- 马来鲜虾炒贵刁面条宽度同河粉差唔多，而且更加烟韧。入面有大虾、芽菜、鸡蛋同腊肠。炒贵刁充满焦糖香气，好有镬气，旁边仲有鲜甜香辣既辣椒酱。- 新加坡麦片虾虾本身已经鲜甜弹牙，麦片加添一份香甜味道，而且令外皮更酥脆。干炒牛河同贵刁味道差唔多，但相比之下炒贵刁更胜一筹，另外麦片虾好惊艳。