海皇粥店 (樂道) (已結業)

細細個成日跟媽媽去海皇粥店、中學同同學又會一齊去食、今日行過見到menu 唔同左好多除左粥品油器、仲有米線同石磨腸粉、選擇多左。叫左海龍皇餐、有海皇一品粥、腸粉、油條同飲品。第一次食海皇一品粥、有蟹柳、魚片、蝦仁等、幾足料、粥底跟以前一樣線滑。油炸鬼送來時仲脆、原先想試牛脷酥、記憶中都係好好食、不過一個人都食唔到咁多、留待下次先。豉油王炒麵又係一大碟、炒得好乾爽。鮮蝦腸粉皮幾薄、包著大大隻鮮蝦、彈牙爽口、唔錯啊～跟餐仲包凍豆漿一杯。