影片
更多
2019-03-03
64 浏览
比呢間拉麵嘅販賣機吸引左，喺香港都係第一次見～同日本拉麵店一樣喺部機度買飛一心想試限定嘅松葉蟹味噌拉麵，點知最後一碗比前面對情侶買左，嗚呀！好在另一款想食嘅櫻花蝦拉麵仲有～櫻花蝦拉麵$88佢隻櫻花蝦細細隻脆卜卜好香！連個湯底都好重蝦味！叉燒炙燒過，好香口，夠厚夠大塊唔係薄薄一片。溏心蛋又夠醬油味；麵可以揀粗少少嘅曲麵同我呢隻幼嘅直麵，一樣咁彈牙～黑蒜油拉麵$88揀左曲麵，蒜味重到唔講得笑！除左湯底嘅黑蒜油香之外，佢嘅生蒜係湯底嘅靈魂所在！仲要有炸蒜，厲害！鍾意食蒜先好試～兩款果汁汽水都好好飲，果汁味好濃！難得喺香港唔洗$100就食到一碗又好美又飽肚嘅拉麵，真係唔容易～超級滿足！！
张贴
