海景軒

最近去海景軒經驗好唔愉快（見另文），本來話過唔會再去。但係今次係海外好友竟然約正呢度飯聚，推唔到。。。。結果好彩有去，重拾返對海景軒嘅信心🥹

先講片皮鴨，燒鴨皮如果可以再脆啲就更好，不過肉質新鮮嫩滑，已經比上次進步好多 (不過個人唔再打算喺度食呢度菜）

😇😇最驚喜係糯米釀乳豬仔，皮脆到全枱人都讚！仲有蟹肉蒸蛋白，酒香好出，幾有驚喜。其他餸菜夠鑊氣，正宗粵式風味。

非常欣賞餐廳團隊跟進及進步！會繼續幫襯的！