小龍焱老火鍋 (已結業)

本身都鍾意食麻辣火鍋，今次過咗嚟北角試呢間新開嘅麻辣火鍋店，裝修充滿宮廷風，古色古香，而且座位寬躺，坐得舒服。佢哋嘅湯底有成十幾款，都算幾多選擇，今次我哋揀咗三國無雙鍋，有牛油麻辣、牛骨同蕃茄湯底，一次過可以試晒三種味佢個牛油麻辣湯底幾重味同香辣，好有重慶風味九宮格擺盤好靚，影相靚之餘又可以試到好多款式嘅食物，裏面有海蝦、巴沙魚、蟹柳、海帶、毛肚、黃喉、鵝腸、牛丸同鴨血，食材普遍新鮮，個人最鍾意黃喉、毛肚同鴨血，黃喉同毛肚新鮮同咬落爽脆，而鴨血個口感幾得，啫喱咁，食落好滑身又帶點煙靭新鮮肥牛、新鮮肥羊，打邊爐點少得食肉，所以叫晒牛羊牛肉羊肉肉質嫩滑，牛肉脂肪分布平均，而羊肉帶一點酥但啱啱好，配埋麻辣火鍋一齊食係perfect match 手工蝦滑切成心形上碟，個蝦滑打得唔錯，食落幾彈牙口感唔錯，蝦滑裏面仲有少少蝦肉蝦蓉值得一題佢哋嘅醬料枱亦都好豐富，除咗有基本火鍋醬料，仲有啲特色醬料，例如罐裝火鍋麻油，令到成件事更加有風味同香口