小魚兒 (富麗花園) (已結業)

今日去咗食雞煲🐣🥘 以前食雞煲要專登出去九龍嗰邊，而家喺將軍澳度有得食😄我揀咗BB辣 小麻，啲辣汁好入味但又唔會鹹，啲雞都幾滑㗎，加埋啲洋蔥芫荽，食得好滋味😋食完啲雞仲可以加湯，加其他配料，我加左寬粉同油麥菜！啲寬粉真係好粗，好似食緊年糕咁樣😝 啲菜好新鮮，兩個人食下食下就食晒🥬除咗雞煲火鍋烤魚，呢度仲有串燒🍗我地嗌左燒牛舌心，有沙嗲麻辣孜然味道，我揀咗孜然，好香口幾好味☺️另外我哋仲嗌左兩隻燒生蠔🦪 我嗰隻係有勁多蒜蓉，另一隻中辣嘅燒生蠔😬最後我哋仲嗌左啤酒，真係好盡興呀-喺社交平台訂枱先會有優惠👍🏼😌