撒冒小面

营业中

休息中

內地過江龍登陸灣仔，主打四川及重慶食物，大胃王可以叫串燒放題。餐廳大部分配料由源頭直採抵港，務求讓客人品嚐到當地正宗美食。店內採用半開放式，環境好細但坐落舒適，而且店員得一個，需要等候一段時間。食物即叫即整，新鮮熱辣辣上，價格親民，經過試試無妨。冒菜粉麵款色好多，有湯有乾拌，有辣有唔辣，麵條軟硬度適中，吸滿湯汁，份量超多，一個人未必食得晒一碗，真係睇小咗佢，牛腩啖啖肉，豬手有骨膠原、而雞湯抄手反而有驚喜，都有成7-8粒，皮薄餡多，豬肉味出，仲有少量蔬菜。小食方面大推小酥肉同鍋巴土豆，炸至酥脆可口，越食越上癮，完全停唔到口。串串都值得一試，魷魚鬚爽口彈牙，出邊嗰啲通常咬唔開，粟米粒粒口感，小麵筋微微辣，夠油可增肥，小香腸鹹鹹地配麵一流。