Bingo & Cook (駱克駅) (已搬遷) 新店位置

🇰🇷自從上次去完韓國之後就冇再食韓國嘢啦，好掛住韓國嘅炸雞和部隊鍋，朋友介紹銅鑼灣有間叫做Bingo & Cook 嘅韓國餐廳啲炸雞好正，今日一於去食吓先💃🏻🎉我哋叫咗韓式炸雞配甜辣醬，海鮮蔥餅，部隊鍋和水蜜桃碳酸水。韓式炸雞除咗有炸雞之外，還有沙律🥗三款醬料和一個酸菜，還有粟米和薯仔，一啖咬落去炸雞啲肉汁爆晒出嚟，甜辣醬包圍着炸雞，外皮勁脆，甜甜辣辣好開胃，所有部位都好嫩滑多汁，就算係雞胸位都唔會好鞋，真係同韓國食嘅炸雞一模一樣啊😋👍🏻部隊鍋係自己煮嘅，叫完之後職員會放個Gas爐係到比您自己慢慢煮，部隊鍋材料有韓式辣醬，豬腩肉片，芝士腸，韓式年糕，芝士，洋蔥，辛辣麵，腐皮，午餐肉，茄汁豆和椰菜等，材料都好豐富，食落去辣辣地，食完成個人暖曬，整體上都好好食，我哋全部都食曬，連湯都唔放過😋海鮮蔥餅好足料，有魷魚🦑香蔥，蝦🦐紅蘿蔔絲等等材料，食落去又脆又煙韌😆口感豐富😋鮮味十足👍🏻水蜜桃碳酸水都幾好飲，因為有好香濃嘅水蜜桃味🍑餐廳好細心會提供膠手套和垃圾桶仔比客人用，咁樣可以用手食之餘又唔會整污糟雙手啦😻👍🏻餐廳環境好大和裝修好新潮，開放式嘅廚房，一路食一路見住幾位韓國嘅oppo係度整嘢食