影片
更多
2019-07-07
50 浏览
呢間燒鵝係我由細食到大既陳記，細細個屋企會特登揸車入去佢既總店食野。雖然陳記嘅名氣無另外果間同樣係深井x記既大，但係呢到食既唔止係味道，仲有滿滿嘅回憶同埋人情味。人大左都好，偶爾返返黎呢度食返以前習慣嘅味道，懷緬下呢個陪伴我成長嘅味道。每次有朋友由外國返黎，我都會帶佢地黎呢到食燒鵝，今次都唔例外。朋友岩岩由澳洲返黎，佢指定要食燒鵝，所以二話不說即刻車佢入黎食。今晚係平日，相對晚飯時間都唔係好多人。招牌燒鵝 例牌例牌份量已經好足，兩個人都食唔哂。燒鵝皮潤肉滑，一咬落去仲感覺到皮係脆既，可能係因為佢每次都係上枱前先淋醬汁上去，所以保持到呢種口感。另外我好欣賞佢個酸梅醬，咁多年來佢都係用真既酸梅自製，入口絕對食得出有分別，同出面現成嘅貨係完全唔同水平同質素。豉油皇鵝腸呢道菜係非常考工夫嘅一道菜，要洗都洗死你，所以豉油皇鵝腸係街真係買少見少。呢個又係一道我由細食到大既菜式，好有香港特色既菜式，外國係唔會食得到呢種味道，XD亦都可能唔敢食。佢地既豉油皇都係唔同d，特別惹味，用黎送飯又係一流。鵝腸夠哂新鮮，入口厚實，好嚼勁，食起來好爽皮。海鮮粉絲雜菜煲魷魚、時菜、粉絲配上上湯去煮嘅煲，帶有少少嘅菜
每次有朋友由外國返黎，我都會帶佢地黎呢到食燒鵝，今次都唔例外。朋友岩岩由澳洲返黎，佢指定要食燒鵝，所以二話不說即刻車佢入黎食。今晚係平日，相對晚飯時間都唔係好多人。
招牌燒鵝 例牌
例牌份量已經好足，兩個人都食唔哂。燒鵝皮潤肉滑，一咬落去仲感覺到皮係脆既，可能係因為佢每次都係上枱前先淋醬汁上去，所以保持到呢種口感。另外我好欣賞佢個酸梅醬，咁多年來佢都係用真既酸梅自製，入口絕對食得出有分別，同出面現成嘅貨係完全唔同水平同質素。
豉油皇鵝腸
呢道菜係非常考工夫嘅一道菜，要洗都洗死你，所以豉油皇鵝腸係街真係買少見少。呢個又係一道我由細食到大既菜式，好有香港特色既菜式，外國係唔會食得到呢種味道，XD亦都可能唔敢食。佢地既豉油皇都係唔同d，特別惹味，用黎送飯又係一流。鵝腸夠哂新鮮，入口厚實，好嚼勁，食起來好爽皮。
海鮮粉絲雜菜煲
魷魚、時菜、粉絲配上上湯去煮嘅煲，帶有少少嘅菜蔬嘅鮮甜味，食左咁多肉，呢道菜清清地，剛好中和返。
呢度嘅野食都幾抵食，野食都係50幾蚊起跳，而份量又好大，今次再食水準都仲係Keep到，朋友都話好食，開心。
张贴
