燈籠滷味 (登龍街) (已結業)

以前未有疫情時，一年點都會去一次台灣，每次去都會去夜市食滷味，而燈籠滷味嘅出現就某程度上彌補左去唔到台灣嘅失望，今日早咗收工，趁冇乜人排隊就嚟咗登龍街呢間度食，員工嘅服務態度都好好，出菜都好快。因為有太多選擇，所以同朋友叫咗一個二人餐，二人餐嘅份量都好多，兩個男仔都食得飽嘅，滷味都好入味，不過個人覺得鹹咗少少，而餸嘅份量都多，再加埋小食同埋嘢飲，兩個人食其實都好飽，特別推介佢嘅鹽酥雞，炸得好脆，食完成餐飯再食多一兩件，都仲係好脆，真心唔錯。