爆汗串串 (已結業)

星期六係廣華街食咗一間成都風味既小店，小食如其名爆汗滿背，十分滋味，好值得推介俾食得辣既食客幫趁！首先一定要點一客「成都串串香」15串（5款）我揀了牛肉、千層肚、雞軟骨、海帶、魷魚，都係老闆推介的首先上台時浸泡係秘制的辣湯內面，陣陣麻辣香氣撲鼻，令人瞬間唾嚥欲滴！辣油中拿起肉串，牛肉厚得黎夠晒嫩、魷魚辣中更加突顯鮮味、雞軟骨夠厚身亦鬆脆、千層肚（牛百葉）爽口入味！整盆辣串串食到汗流浹背，超級爽啊！「宜賓鹹燒白麵」（五花腩）剛巧白麵賣晒，店主接受食火鍋粉（紅薯粉），果然好推介，火鍋粉爽口彈牙，五花腩肉薄薄地好入味，下面的梅菜好甘香！「成都滷豬手麵」、「香油碟」果然夠風味，香菜、豬手都配合得十分適合！「成都老冰粉」十分清甜，可以幫你解辣潤喉。上面鋪滿乾提子、糯米、酒糟、芝麻、山楂餅碎，好豐富的口感！飲品有王老吉、Asahi啤酒、烏梅汁...