滿江紅 (已結業)

放工約埋班friend來尖沙咀行街，行經加連威老道，就決定來食這間滿紅紅既川菜，貪其夠地道風味！先黎兩碟前菜，涼伴乾豆腐調左味料唔會太清淡，個海帶夠爽口仲帶微辣，食落好開胃～蒜泥白肉自家製的的蒜泥醬比一般川菜小館不同，感覺師傅的刀工特別細膩，每片白肉都被蒜泥醬包圍，一口食落去特別香口惹味！值得一提的是這裏的雪梨汁，味道唔會太甜，飲落十分潤喉舒服，還可以解膩，我覺得食川菜必飲！皮蛋豆腐豆腐食落口感極嫩滑，再加埋咸香的皮蛋， 蔥花調味，已經很棒！食完幾樣涼拌前菜，當然少不了這裏的熱炒小菜喇～！酸菜魚香港好難得可以做到如此地道的口味， 先來魚肉新鮮滑嫩又少骨，咬落啖啖肉，正！特別的是個酸菜湯底，酸酸地但呷落又有麻辣的口感，配埋酸菜都唔會過濃過咸！唔知幾時開始，喜歡上食鵝腸⋯⋯炒鵝腸爽脆彈牙， 有咬口但又唔韌，送啤酒真係一流⋯⋯其實我平時唔太好食田雞， 但這裏的干鍋田雞可以值得一試，大量麻辣配料加上干鍋熱炒，田雞仍保持外脆內嫩，咬落仲有豐富的肉汁，加上麻辣的刺激口感，食落特別惹味有特色！整體裝潢環境都幾有氣氛，岩曬一班嗜辣嗜川菜的朋友來聚餐！