正宗印度餐廳及酒吧 (銅鑼灣道)

营业中

休息中

今日去咗天后到睇書同埋順便去ikea買嘢 行完之後發覺自己個肚打緊鼓 所以就周圍搜尋下食乜嘢 今日想試下啲比較特色啲嘅嘢 所以就搵咗呢間印度餐廳食番個正宗印度餐先啦 老闆同埋老闆娘都係印度人 但係放心佢哋可以講英文唔使講印度話入到去就問下老闆娘有啲乜嘢推介 老闆娘推介咗一個印式燉羊肉畀我 咁就梗係試下啦 呢個羊肉材料十分之豐富 香料味好濃而且個汁醬亦都好啱我嘅口味 少少辣又有少少甜 但係完全遮蓋唔到羊肉嘅鮮味 反而令到成個餸菜嘅口感味道更上一層樓跟住就梗係要食返個印度烤餅嚟送羊肉喇 呢個印度烤餅烤得非常之香脆可口 而且有一股淡淡嘅麥香之後老闆娘又推介咗一個脆餅畀我 呢個脆餅食落雖然冇乜特別嘅味道 但係點上薄荷醬或者酸甜醬亦都好好食最後就要食返個飯先夠飽 我就叫咗一個印式炒長飯 香港比較少食到呢個長飯 口感比普通嘅米煙韌 而且佢嘅飯香亦都比香港普通食到嘅米更加香 而炒嘅香料亦都好重手 講真就咁食呢個飯 唔使用餸都已經夠曬味