更多
2023-03-14
1473 浏览
约咗表哥食晏,打算上朗豪坊嘅美食广场,不过,上到去人头涌涌,果然市面恢复番昔日繁华,再睇返啲定价,美食广场内嘅餐厅一般都喺$60、$70一位,咁啱美食广场侧边有一间「十十川沪料理」,有啲一人嘅午市套餐,计埋茶位加一,好似唔喺贵好多,但里面望上去就舒服好多㖞。入到嚟,唔止地方大,空间感十足,而且装修都几骨子,一室简约明亮,有种小清新嘅感觉。最紧要喺无咁多人,唔似出面美食广场咁挤拥,坐晌度可以舒舒服服慢慢叹。头先都讲过,因为佢有啲一人套餐,睇落真喺几抵,主食里边11拣1,小食10拣1,再加杯餐饮, 定价都喺$68-$88。虽然要收茶钱12蚊,又要加一,不过,最后我哋两个人夹埋落楼都喺平均每人80多啲。 餐厅又喺用时下流行嘅二维码落单,虽然,碌几碌,菜式有好多嘢拣,包点、前菜、饭面、酸菜水煮、蔬菜、原创粢饭、汤品、甜品、饮品……等等,但都喺一人午餐最划算。镇江淆肉呢一度喺经典嘅上海冷盘,我自己本身都几钟意食,因为冰凉清爽,沾上镇江醋添一份酸香感,而本身啲淆肉做得唔错,猪蹄肉占嘅比例多,冻膏部份口感柔滑。生煎包大多时都会嗌小笼包,但表哥就话想试试生煎包。细细个嘅生煎包几的骰,煎得包底好脆口,包
呢一度喺经典嘅上海冷盘,我自己本身都几钟意食,因为冰凉清爽,沾上镇江醋添一份酸香感,而本身啲淆肉做得唔错,猪蹄肉占嘅比例多,冻膏部份口感柔滑。 生煎包
大多时都会嗌小笼包,但表哥就话想试试生煎包。细细个嘅生煎包几的骰,煎得包底好脆口,包身都好软熟,内里嘅猪肉馅都颇松化,喺略嫌里边汤汁少咗啲,否则就一流啦! 葱油排骨面 $68
佢哋好多道菜色都可以拣辣或者唔辣,都够有弹性,我哋两老表都唔食得辣,梗喺要唔辣啦。所谓排骨,即喺猪扒,猪扒炸得酥香,松化又唔算油腻,不过,最正喺啲面条,质感柔韧,混和咗浓香嘅酱油,非常惹味。 腩肉炒花菜饭 $68
简单嚟讲,就即喺五花腩片炒椰菜花,呢个喺好回锅肉嘅味道,绝对表现出上海菜𠮶份浓油赤酱。又喺一道好惹味嘅𩠌饭菜式,啲五花腩肉望落好似好肥,其实入口又OK㖞,啲椰菜花炒到爽爽脆脆,真有一手,不过如果配埋菜饭就更加好啦。 杨枝甘露沙冰、蜂蜜绿茶
我就拣咗杯沙冰,表哥拣咗杯绿茶,始终喺餐饮 ,所以,我杯杨枝甘露沙冰唔好抱太大期望,其实只喺一杯芒果味嘅沙冰,幸好口感都唔差,表哥杯蜂蜜绿茶佢就话几清幽,阵阵蜂蜜香味。 老表近排都好忙吓,难得约佢出嚟食餐饭、聚一聚,简简单单食餐川沪菜,等佢迟啲无再咁忙,再食餐好嘅。
张贴