影片
更多
2009-01-30
30 浏览
下午茶時段，買了隻熱狗，加杯熱啡，$15。不過，買飛後，要將半張飛交去水吧，再等叫號碼。水吧只有一兩個人在等食特，不過，唔知點解，d職員個個都目光呆滯，行行企企，望下我又唔收飛。等左成分鐘，終於有個阿姐收左我張飛，但又好似唔知想點咁，一手將張飛揸埋一舊，懵下懵下咁企左响十幾秒。我見佢咁樣，驚佢一手掉左我張飛，所以牛咁眼望住佢，跟住阿姐望下佢手上張飛，又望下我，竟然問我張飛幾多號，我講比佢聽，佢先職得叫我等叫號碼。等左十幾分鐘，個燈箱顯示既號碼都無update過，好彩我見到佢出左幾隻熱狗，所以自己走出行攞。返到埋位，見到隻熱狗有生菜絲和蕃茄片，present得幾靚。條腸個皮好似幾脆，但睇真d…咦，點解麵包內一滴醬汁都無既？正在猶豫應否要求佢補加醬汁之際，見到有個人拿著隻熱狗行過，點解人地果隻又有醬呢？不過，嘩，佢d醬多都瀉，幾乎可以浸住佢個包咁滯。我想要d醬，但唔想食醬爆熱狗喎。最後，自己去醬料corner攞包茄汁就算。味道算係咁啦，標準既大家樂食物囉。第二次老婆黎買外賣，又係熱狗，呢次佢真係比隻醬爆熱狗，d醬係正常份量3倍以上，結果個包浸都淋晒囉。老婆都話d員工真係懵既，問佢攞膠刀，佢
水吧只有一兩個人在等食特，不過，唔知點解，d職員個個都目光呆滯，行行企企，望下我又唔收飛。等左成分鐘，終於有個阿姐收左我張飛，但又好似唔知想點咁，一手將張飛揸埋一舊，懵下懵下咁企左响十幾秒。我見佢咁樣，驚佢一手掉左我張飛，所以牛咁眼望住佢，跟住阿姐望下佢手上張飛，又望下我，竟然問我張飛幾多號，我講比佢聽，佢先職得叫我等叫號碼。
等左十幾分鐘，個燈箱顯示既號碼都無update過，好彩我見到佢出左幾隻熱狗，所以自己走出行攞。返到埋位，見到隻熱狗有生菜絲和蕃茄片，present得幾靚。條腸個皮好似幾脆，但睇真d…咦，點解麵包內一滴醬汁都無既？
正在猶豫應否要求佢補加醬汁之際，見到有個人拿著隻熱狗行過，點解人地果隻又有醬呢？不過，嘩，佢d醬多都瀉，幾乎可以浸住佢個包咁滯。我想要d醬，但唔想食醬爆熱狗喎。最後，自己去醬料corner攞包茄汁就算。味道算係咁啦，標準既大家樂食物囉。
第二次老婆黎買外賣，又係熱狗，呢次佢真係比隻醬爆熱狗，d醬係正常份量3倍以上，結果個包浸都淋晒囉。老婆都話d員工真係懵既，問佢攞膠刀，佢地就比筷子；買兩杯熱飲，佢就比8包糖。唔知佢想大贈送定，係想幫老細倒米。
補充：光顧過幾次之後，發現呢間分店出號碼個燈箱係壞既，又或者d職員根本唔會用個燈箱，因為顯示既號碼成日都無update。唉，我諗管理有d問題囉。以後都係咪攪我啦。
张贴
