本家韓國料理

营业中

休息中

提早一個月book，要提早成個月book位，就比我食下有幾把炮，但原來都不過如是。食飯當日打俾我，問我可唔可以延遲半個鐘，我提早咗成個月book，突然之間要我延遲，我當然話唔OK。去到餐廳，等咗半個鐘先有位，但我明明已經book咗枱😅食之前已經見到，有好多食評話服務態度好差。服務態度差，都仲有咁多人去食，我諗一定好好食。兩個人叫咗醬油蟹同燒鰻魚，醬油蟹$500兩隻，好腥好鹹，一啲都唔好食。燒鰻魚係一條鰻魚嘅一半份量，啲鰻魚上咗枱，等咗20分鐘先有人嚟幫我哋燒，仲要係我哋叫咗幾次先有。一開始落單落咗兩杯嘢飲🧃但係佢哋完全冇咗回事，三催四請先至黎嗰兩杯野飲。性價比唔高，喺香港食過好多醬油蟹，比呢度份量多價錢又平，絕對唔會再有第二次。