泰廚泰國菜館

营业中

休息中

天氣熱熱地，想食吓泰菜，酸酸辣辣特別醒胃。喺旺角一行落天橋就見到此店-泰廚。睇落幾抵食，星期一至五都有菜式特別優惠。而且食滿$200，仲可以叫一蚊嘅小食。送嘅生蝦幾新鮮，蝦肉彈牙，個青綠色的汁特別好味，清甜又唔會過辣。串燒雞及牛，個沙嗲汁好香，有花生香又好惹味。我最愛的泰式豬手，豬肉夠嫩，外皮一夾就化開，必須有的配菜-酸菜都好有入味，點理個酸酸甜甜嘅泰式汁，就冇咁油膩。辣椒膏炒青口，泰式嘅辣椒膏，加埋好重香茅同埋九層塔嘅味道，味道非常之濃郁，青口份量好多，都有成八九隻。泰式咖喱雞，咖喱汁勁送飯，配埋蒜蓉包就一流，飯都唔使叫都好飽肚啦！餐廳餸菜都幾大碟，啲醬汁特別出色，唔怪之啲人叫外賣都叫佢俾多啲汁。價錢算幾公道，仲有咁多優惠，係旺角來講是不錯嘅選擇。