Peek-A-Poke (希雲街)

营业中

休息中

🍣🍚呢間poke已經食過兩次了 證明我十分喜歡首先主食方面 吞拿魚 三文魚 香菇都分別食過不過重點係個sauce 試左鰹魚醬油 果仁芝麻醬 山葵乳酪醬 個人覺得果仁芝麻醬同山葵乳酪醬都好正 醬油就比較普通 果仁同芝麻醬 山葵同乳酪 都係意想不到地夾 芝麻醬輕輕滲透果仁香氣 乳酪酸甜中和山葵嗆辣 唔會有其中一邊既味道喧賓奪主 調得剛剛好配料方面我推介海帶芽 蟹籽增加口感 如果接受到生洋蔥味道 紫洋蔥都可以令到個飯更加香 如有預算 升級三文魚籽 蟹肉固然更佳 不得不提 佢配料既份量落得好重手 可以食到最後一啖飯都仲有餸 啖啖都好豐富建議女士如果揀regular size就揀半飯半菜 因為半飯都好多飯 兩次去食都剛好見到隔離枱既女仔會食唔晒 而且我覺得佢啲沙律菜都好好食好fresh 壽司飯都好好味如果要說挑剔地方 我會希望醬汁可以再多啲 而家係岩岩好 啲醬汁剛剛好依附住每舊魚粒 但如果撈埋配料就覺得唔夠 因為佢啲醬汁真係好好味 所以會想食到多啲溫馨提示 印象中第一次係夜晚去食 夜晚係一定要揀regular size既 不設迷你size