早安越南 (已結業)

好少踏足黄埔，今日放工陪朋友過黎黃埔某大商場睇傢私，睇完係附近搵食。成層都係餐廳，我朋友好鐘意食越南野，所以諗都唔諗揀咗早安黄埔，睇見個名特別醒神😅我地兩個揀咗個$348二人餐，有青咖哩蟹，肉骨茶，無骨鳳爪，蒜茸包，加$10要埋個馬拉盞炒通菜。肉骨茶，甜甜地，有好多料👍🏻青咖哩蟹，青咖哩好好味，好想撈白飯食😂不過我地揀唔蒜茸包，蟹又多炸得又香，不過我覺得青咖哩汁勝過蟹🙈蒜茸包，黎到嘩咗聲，好多蒜茸包，比平時餐廳二人餐廳份量多好多😋多蒜而且都係新鮮整起，呢個堅好味無骨鳳爪，呢個我最愛，好入味，又係好多馬拉盞炒通菜，炒得有鑊氣，不過係咸咗少少（不過馬拉盞炒都係貪佢重口味😂）呢個$348二人餐仲包飲品，唔係普通咖啡奶茶，係咸檸七/ 珍多冰個啲，價錢唔係特別平，不過食物好食，而且份量多，我覺得三人食都夠食，三人食二人餐就抵啦👍🏻