影片
更多
2020-08-27
1122 浏览
喺觀塘工廈食完飯之後，就行返去APM行街，本身想搵間有得坐嘅飲品舖涼冷氣，但並無相關搜尋結果😂。於是我哋就去咗飲近電梯位嘅「Happylemon」。可能地理位置有優勢嘅關係，佢都算幾旺場、幾多人幫襯。不過當我想落單嘅時候，無店員喺收銀櫃；我嗌唔該，後面本身坐喺度玩電話、唔係著制服嘅女仔(有圖為證)就上前收錢，點知佢塊面黑到🌚...，全程亦無出過聲。好在我呢日心情好，所以無嬲到，平日可能已經爆咗佢...。等嘅期間，前面個客唔知問另一位店員啲咩，結果又係俾人呼喝番轉頭😵。金桔檸鑽雪冰斯($32/L)，🍋檸檬特飲算係佢嘅招牌吧！其他飲料店未必有呢款賣。大杯裝份量真係幾多，兩個人都夠飲。雪冰斯即係沙冰咁解，呢到嘅沙冰口感啱啱好，唔會太過冰，好易入口。檸檬味酸酸的😳，好鬼正加超醒神，仲好消暑解渴添！檸鑽雪冰斯系列有幾款揀，我要咗金桔🍊，不過味道一啲都唔出，被檸味遮哂。估唔到嘅係呢款檸檬沙冰仲加咗幾片蘋果肉🍎，連埋少少冰食超爽的。另外，杯嘢飲亦有少少椰果啫喱。總括嚟講，杯嘢飲係正嘅，透心涼😋。後來我先發現原來Happylemon得番三間分店，要飲都唔係咁易。但除咗飲品外，店員們一臉謝絕幫襯嘅態度更
喺觀塘工廈食完飯之後，就行返去APM行街，本身想搵間有得坐嘅飲品舖涼冷氣，但並無相關搜尋結果😂。於是我哋就去咗飲近電梯位嘅「Happylemon」。
可能地理位置有優勢嘅關係，佢都算幾旺場、幾多人幫襯。不過當我想落單嘅時候，無店員喺收銀櫃；我嗌唔該，後面本身坐喺度玩電話、唔係著制服嘅女仔(有圖為證)就上前收錢，點知佢塊面黑到🌚...，全程亦無出過聲。
好在我呢日心情好，所以無嬲到，平日可能已經爆咗佢...。等嘅期間，前面個客唔知問另一位店員啲咩，結果又係俾人呼喝番轉頭😵。
金桔檸鑽雪冰斯($32/L)，🍋檸檬特飲算係佢嘅招牌吧！其他飲料店未必有呢款賣。大杯裝份量真係幾多，兩個人都夠飲。
金桔檸鑽雪冰斯
$32
39 浏览
0 赞好
0 留言
金桔檸鑽雪冰斯
$32
25 浏览
0 赞好
0 留言
估唔到嘅係呢款檸檬沙冰仲加咗幾片蘋果肉🍎，連埋少少冰食超爽的。另外，杯嘢飲亦有少少椰果啫喱。
總括嚟講，杯嘢飲係正嘅，透心涼😋。後來我先發現原來Happylemon得番三間分店，要飲都唔係咁易。但除咗飲品外，店員們一臉謝絕幫襯嘅態度更係令人印象深刻😅，今時今日咁嘅服務態度點得㗎？
最後，附上飲品Menu以供參考🥤。
张贴
