影片
更多
2020-01-26
553 浏览
今日嚟乐富办啲手续，所以一早嚟到乐富揾食，见到平台都好多食肆，望咗几间最后决定入嚟呢间瑞士咖啡室试试。早餐都系一般港式茶餐厅嘅选择。见极品早餐可以拼菠萝油、热狗或沙嗲牛肉潜艇，好似几吸引咁，所以同老公每人叫个餐试多几款。先嚟沙嗲牛肉潜艇加火腿奄列，面包有烘底，扫上牛油再淋上沙嗲牛肉，不过我就略嫌汁太多，如果唔系即食的话个包就会太湿。仿鲍片同肉丁份量都足够，通粉软硬度适中。菠萝油只系微温，所以上枱嘅时候牛油未溶，我自己就prefer热啲令牛油香可以渗入个菠萝包入面喇！火腿奄列入面嘅火腿丝份量都多，薄薄嘅蛋皮包住火腿，望落去都好饱满嘅，唔似有啲餐厅落少少火腿丝扮奄列通粉嘅火腿丝份量都系爆灯，所以每一啖都可以食到火腿。以呢个价钱食到咁丰富嘅早餐，味道都ok，我觉得都算系高性价比系列，有机会都会再嚟过
早餐都系一般港式茶餐厅嘅选择。
见极品早餐可以拼菠萝油、热狗或沙嗲牛肉潜艇，好似几吸引咁，所以同老公每人叫个餐试多几款。
先嚟沙嗲牛肉潜艇加火腿奄列，面包有烘底，扫上牛油再淋上沙嗲牛肉，不过我就略嫌汁太多，如果唔系即食的话个包就会太湿。
仿鲍片同肉丁份量都足够，通粉软硬度适中。
菠萝油只系微温，所以上枱嘅时候牛油未溶，我自己就prefer热啲令牛油香可以渗入个菠萝包入面喇！火腿奄列入面嘅火腿丝份量都多，薄薄嘅蛋皮包住火腿，望落去都好饱满嘅，唔似有啲餐厅落少少火腿丝扮奄列
通粉嘅火腿丝份量都系爆灯，所以每一啖都可以食到火腿。
以呢个价钱食到咁丰富嘅早餐，味道都ok，我觉得都算系高性价比系列，有机会都会再嚟过
张贴
