四季良晨 (迎海薈) (已結業)

約左朋友入企嶺下 晨早到左烏溪沙地鐘站 二話不說直奔四季良晨 傳說呢到得呢間算係好食d😂 對面有間台灣野裝修得靚d 但呢面個價錢好似抵食d我叫左蕃茄湯花枝丸公仔面 都等左一陣 大約10分鐘先上台 但我坐既位置都ok 幾舒服 近商場中間 咁冇咩所謂喇公仔面係出前一丁既 索左蕃茄湯後有陣淡淡甜味 早餐黎講幾醒神 花枝丸就正正常常 入面d 花枝好淋 冇咩口感 應該都係佳寶級數野 佢有細菜比你呢點係幾好 平時d 常餐係好寡 得餸同面 呢個有埋菜加分飲埋杯凍檸茶 perfect 晒!