醉雞火鍋店

营业中

休息中

呢度嘅醉雞鍋，幫襯過兩次，總括兩次嘅經驗，藥膳醉雞鍋係好食嘅👍今次order醉雞鍋（1份）加象拔蚌套餐。跟煲藥材都唔少，酒味香濃，加埋雞件煲滾後，先飲湯，藥材湯底味道係唔錯嘅。象拔蚌可以做刺身，食落都好鮮味。安格斯手切肥牛肉（1份），油花幾靚。高級鮮牛丸，幾彈牙。鮮蝦雲吞，名副其實係有蝦和豬肉，但食落嘅質感有啲怪，唔係我杯茶。炸響鈴上枱時都係脆，唔錯。其他蔬菜類唔講啦，都係普通野冇特別。呢間嘅食物整體都唔錯嘅，但座位實在太擠迫，一路食一路擔心，輕微嘅碰撞都會碰跌個鍋，希望舖頭可以改善座位空間。