麗島小廚 (已結業)

今晚揀了醉雞煲，湯底同雞係分開上嘅，半隻雞嘅份量，碟雞都幾大碟，侍應叫我地湯滾起時先至落雞，淥5分鐘左右就OK，先飲湯再食雞，食到七七八八先至開始打邊爐。雞湯鮮甜美味。火鍋配料叫咗美國安格斯牛肉、鱔片、韭菜餃同埋一份菜。碟安格斯牛肉都幾靚，脂肪均勻，食落唔會"un"，性價比高。鱔片新鮮，夠爽彈，質素高。自家製韭菜餃D韭菜同D餡料真係好新鮮，韭菜味夠晒香，好好食。油麥菜好新鮮。佢隻德國麥啤好好飲，食雞煲啱晒。