醉胡爐 (已搬遷) 新店位置

天氣涼咗火鍋嘅季節嚟啦，今日嚟咗TST醉胡爐食打邊爐，真心好高質，料靚到不得了😍胡爐十二道牛盛合你餐廳新推嘅hotpt配料，一碟就可以食晒咗多款牛，牛味大爆發，滋味滿溢🤩一嚟叫咗個日式和風蕃茄沙律，蕃茄片切到厚薄均勻，醬汁調得好好，酸甜醒胃，又唔會heavy😚濃湯佛跳牆雞翅鍋真心💯好食，啲料好誇張，有齊鮑魚、花膠、螺片、翅、海參、雞件，花膠好滑，發都啱啱好，滿滿嘅膠原蛋白🥰啖湯好鮮好甜，滿滿嘅精華全部係晒啖湯，冇諗過打邊爐嘅湯底都可以當湯飲😍手切頂級安格斯肥牛雪花滿滿，而且切片厚身，一食就感受到佢濃郁嘅牛味，冇得頂，好香好好味😆餃子拼盤總共有五款餃子，雪吞好足料，鮮蝦大隻爽身；黑松露餃都好濃，啖啖都滿足；蔬菜拼盤組合都好正，有冰菜、皇帝菜同西洋菜，新鮮爽脆，而且都好索湯😋餐廳裝修好靚，有格調得嚟又簡潔，而且空間感十足，私隱度夠高，啱晒一班朋友嚟聚會👍🏻