雲桂香米線專門店

营业中

休息中

被同事帶路出去食lunch，第一次黎呢間。唔知平時多唔多人，但今日12:15pm左右一入去就只得幾位食客，可能啲學生仲放緊假，上班族都可能清緊假。即坐低睇menu好快落單，野食亦都好快到。食左個小鍋米線$25，嗌左兩個餸，魚肉春卷$7，紫菜$6，走芽菜，冇加野飲。價位尚算正常，唔算好抵食。魚肉春卷得3粒，同紫菜一樣，都係果啲野，唔會難食既。湯底好酸，我諗我應該走酸菜的。不過同行既同事就好鍾意，睇個人口味啦～下次走酸菜再試一下吧。