春陽茶事 (謝斐道) (已結業)

耐唔耐就會上 某個app睇下有冇啲美食優惠 , 最近呢個app推出優惠, 用優惠價買咗杯 春陽茶事 的翡翠檸檬愛玉。今日順路經過銅鑼灣， 特登行過去近世貿 嗰邊， 品嚐一下呢杯台式飲品。 地點都好算好容易搵到， 就喺以前好出名賣魚蛋嗰個舖位， 魚蛋檔終於頂唔順貴租。換來呢間台式飲品同埋雞翼專門店。店員好有禮貌，就算我係用app買優惠產品， 佢哋我哋都係非常客氣， 我揀咗小冰正常糖的 翡翠檸檬愛玉。等咗一陣間就可以攞飲品啦， 我急不及待即刻試一啖， 充滿濃濃嘅檸檬果汁味🍋🍋 而且有不少果肉。 愛玉嘅份量都非常之多， 酸酸甜甜煙靭靭。不過唯獨是需要改善嘅地方， 就係有少少苦澀味， 大概係檸檬皮 處理得不夠好。整體嚟講都覺得唔錯嘅。