金樂軒雞煲魚鍋

营业中

休息中

今次食係第二次番兜酸辣魚鍋，第一次係食酸辣龍躉(腩數件)，今次食酸辣桂花魚(一條)，桂花魚鍋就平80，但始終龍躉就美味啲，龍躉既肉又厚又彈，皮下既膠質又多，十分肥美。雖然桂花魚普通啲，但兩次魚鍋黎到，魚肉就好快俾我地食哂。除左魚好食，佢個湯底都好正，雖然小辣，但都好夠味，用黎火鍋都唔需要豉油，第一次唔知就要左辣椒加豉油，今次就無問店鋪攞。火鍋料推介既有炸魚皮(好味好脆，鮮炸但份量唔多)，滑牛(抵食有驚喜)，墨魚滑(新鮮彈牙)同最貴價個隻牛(雖然168，但個份量都可以接受，同坊間火鍋店靚牛差唔多) 唔太推介係牛丸，都幾難食，雪到硬哂兼霉霉地。至於其它野不過不失。我地食過一次響鈴，個次炸都燶燶地所以唔好食，唔知係咪個別事件，唔好彩。另外佢啲川式小菜都幾辣好好食，食過辣子大腸，肉碎四季豆，薯仔絲，不過價錢就唔算平，都要80到1個。環境都算乾淨企理，不過就無咩風格，好大陸吓。