阿一豬扒酸辣米綫

营业中

休息中

朋友講到阿一豬扒米線有種魔力，令人一食上癮，喺朋友力薦下，呢日就去一試究竟。餐廳係小店格局，店內只有幾張細枱，坐位不多，見大部分人都食豬扒米線，我又跟人叫咗個真味豬扒酸辣米線，要中辣，豬扒炸得唔錯，剛剛好，食落鬆軟多汁，又醃得好入味，食得出係靚貨，正! 再嚟就試吓米線，米線就普通，湯面有一層辣油，辣味足之餘，麻麻嘅感覺好過癮，再加上酸菜，豐富咗成碗米線嘅味道，食一啖豬扒，到食一啖米線，終於明白朋友講嘅魔力喺邊，又辣又麻，食到流晒汗，但又食到停唔到口，雖然過後係有啲口渴，下次都會再 encore 豬扒米線!