餃子妹上海雲吞麵

街坊小店雖然鋪面有啲細，但坐得幾舒服，有卡位。侍應非熱情有禮，令人有返屋企食飯嘅感覺。天氣有啲凍，我地都叫咗酸辣湯麵暖下身：一個酸辣湯餃子幼麵，一個酸辣湯糖醋排骨幼麵。

講返個酸辣湯，整體算係合格，略為偏酸，唔算太辣，而且都算足料。不過個幼麵真係最大敗筆，完全冇上海麵應有嘅煙韌口感，食落去好似一pat漿糊咁，真心失望😔。朋友嘅餃子皮太厚，食一隻已經覺得好飽，影響咗成碗麵嘅體驗。

至於糖醋排骨，味道相對好啲，雖然食得出排骨本身唔算非常新鮮，但煮得都算入味，算係可以收貨。