老鍋台式火鍋 (京都廣場) (已結業)

假日去到銅鑼灣探完時代廣場的 唐老鴨去左老鍋到食 lunch , 因好掛住佢地的酸菜。由於lunch 唔想食咁飽唔打邊爐了，所以我叫左一客飯，謙謙就叫左碗米線，加左一個台灣腸，一人一支冷泡茶。⚛ 酸菜養生湯 + 雞肉 + 鴨血+豬腩片 配飯 ～ 我選擇飯係因為呢d 咁悶熱天氣食d 泡飯湯底酸酸地好開胃， 鴨血好滑溜豬和雞件吸收了酸菜湯幾美味。⚛ 酸菜養生湯米線 + 蟹棒+墨魚丸+炸午餐肉 ～ 超抵讚餐肉係厚切，炸的香脆可口， 謙謙自己選蟹棒和墨魚丸呢d都係小朋友最愛的配菜。咁大碗米線比謙謙自己KO 哂 🤣⚛ 台灣蒜香腸 ～ 咬落紮實d ，我好喜歡佢地質感和蒜香味。⚛ 冷泡白桃烏龍茶 + 冷泡雪梨桂花茶 ～ 兩者茶味各自清香， 我愛雪梨的清甜桂花的香，謙謙就愛烏龍茶的濃香。