麻王 (已結業)

在網上看到麻王有酸菜魚食，就立即過去試試。不過當我在門口看看的時候，感覺上令到人坐得唔太舒服，因為他只有幾個位置給人坐，而且位置空間唔算太多。我估佢哋應該係做外賣生意比較多。所以連舖頭內冷氣都冇，只有一兩把風扇給顧客享用。不過幸好我覺得職員態度比較熱心，因為我第一次去叫酸菜魚，所以比較多問題。佢哋都好有心機咁回答我嘅問題。酸菜魚裏面有麻辣嘅香味，而且我比較鍾意麻辣我嗰種感覺，比到我呢種感覺，而且酸菜魚嘅份量亦都唔少，飯我都故意叫佢多啲。因為佢即叫即煮，所以拎到我手上嘅時候都仍然係好熱，用嚟撈飯酸菜湯一流。