魚川居 (已搬遷) 新店位置

人人愛食酸菜魚，我都唔例外，觀塘友約食飯，佢知我喜愛酸菜魚，提議黎呢間#魚川居，說食完酸菜魚可再打邊爐，一舉兩得又好抵食，一於同佢圍爐啦！ 酸菜魚湯底跟魚片分開上，我一定先飲下頭啖湯，湯底香濃夠酸，又帶點微辣，味道對辦是我喜歡的口味，生魚片切得厚薄適中，晶瑩通透，魚片無骨且滑溜。店員會奉上海鮮拼盤，有蟹、鮑魚、帆立貝同花螺。另可在點解餐紙上再任選食物，有特選牛板腱、黑豚肉味、麻辣青瓜同雲耳等等。尚有凍柜可自取食物同飲品，選擇多有大蝦、青口、魚腩、豬紅、台灣腸、瀨尿蝦、蜆、魚皮餃、豬大腸、菜類、丸類、炸魚皮、出前一丁、水果、飲料、雪糕，絕對夠晒飽。同朋友慢嘆吹水，確係唔錯啊！