椒點 (已結業)

太和站附近唔知幾時開咗間「椒點」，午飯時間都唔少人吓，坐低一陣，見唔少堂食或外賣客主要都點了「雞肉乾鍋」及金湯酸菜魚湯，於是自己都跟點試吓味道如何。雞肉乾鍋配有薯仔、連藕、金菇、青瓜及洋蔥，同伴選了唔辣的醬香做底，湯了個湯米線，佢話感覺唔錯，仲有點孜然味，風味十足。我點了個金湯酸菜魚，配雲耳及豆卜，另上米線，選了微辣。魚肉無骨可以放心食，但有需要亦可以轉生魚片，酸菜魚湯香濃，麻麻酸酸的，好啱哩個天氣食，或者下次改點辣多少少更加暖胃。淨食個魚食湯都好，但加埋米線入湯更好，酸辣味開胃，食多幾啖湯麵都仲得。我們還點了個麻辣青瓜做伴碟，青瓜好清新爽甜，滿足了口腹之慾。成個餐都份量十足，食完十分飽滿，但價錢卻相當實惠，好抵食👍🏻😋