魚眾不同酸菜魚 (啟德一號) (已結業)

魚眾不同星期五放工後，同朋友出去食晚飯，抒緩一下工作壓力，迎接weekend嘅來臨，朋友嗜好辣，突然諗到一間食四川菜嘅餐廳，於是走去試吓，滿足一下味覺嘅享受！🥵😋* 老檀酸菜鱸魚(腐皮、萵筍、薯粉)🐠老闆極力推介，鱸魚非常鮮味嫩滑，配合酸酸辣辣嘅湯底，非常入味；腐皮份量十足，萵筍喜歡它翠綠的顏色，口感爽甜，薯粉煙煙韌韌，好滑好彈牙。☺️* 海鮮炒飯(泰皇海鮮味)🦐顏色鮮艷奪目，未開始食已經滿足視覺享受；炒飯粒粒分明，軟硬適中，配料十足，海鮮味完全融入炒飯底，我同朋友都食指大動，好有滿足感👍* 凍檸蜜近排天氣炎熱，一杯清涼嘅凍飲頓時消暑解渴，檸檬與蜜糖簡直係絕配，又可以解辣。* 菠蘿梳打特飲朋友飲的，佢話似咸檸七嘅菠蘿版，配搭好新奇。呢間餐廳值得推介俾喜歡食辣嘅朋友，餐廳鄰近地鐵站，非常就腳。😊👍