四海魚村 (已結業)

今晚收工約左幾個朋友聚聚，最近我地愛上左食酸菜魚，所以就搵下附近邊到有得食酸菜鱸魚好大一盤啊，平時出面食都好少見到有咁大盆呢間餐廳是真係煮左滿滿一盤，一路食一路可以夾到魚肉鱸魚肉好滑，筷子夾唔住會溜走，唔會有腥味酸菜既味已入晒湯，所以唔會太酸，酸菜大部分係葉的部份，我最鍾意食菜葉既部份，容易咬又索晒湯汁薯粉份量好多，煙韌又有咬口，連埋湯一齊食味道好好湯的表層無咩油，湯汁帶蒜味，特別香口，又有魚的鮮味見到好多人都食緊雞煲，所以我地再叫左個奇味雞煲，因為我地有朋友唔食得太辣，所以我地叫左小小辣雞件好大件好厚肉而且小小辣好惹味啖啖肉另外我地都叫左碟皮蛋，配飯食一流，份量都唔少