麻辣小聚 (93WYS) (已結業)

天氣凍咗咁多，真係令人好想食辣野暖下身。本身喺牛頭角返工，平時經過偉業街見到呢間麻辣小聚都好想試吓，好開心同事肯同我去食。見到隔離枱叫咗個酸菜魚勁吸引，我哋都忍唔住即刻落個$228難忘酸菜魚同埋叫咗碟$88干扁四季豆。難忘酸菜魚一上枱，聞到個湯底好香噴噴，仲見到豆腐皮、粉條、萵苣等等嘅配菜，而且魚嘅份量都不少，口感嫩滑不特止又無骨，完全啱晒我呢啲怕食到骨嘅人！佢呢度嘅四季豆炒得好好食，夠晒香辣同爽口！整體來講，我同同事都非常滿意呢間川菜，再想食辣野一定會返嚟！