影片
更多
2022-02-28
13 浏览
#愛上米線 (香港仔)我鍾意米線，不過老公要有飯落肚，買外賣變得有難度，因為要揾一間米線專門店，米飯做得同樣出色嘅⋯最近終於揾到啦！米線選擇幾有港式風味：芫茜皮蛋脆鯇魚、紅燒排骨之類⋯ 我要咗酸菜排骨湯米線，原價$58，五點半後外賣自取，再減$10，好抵！ 湯底用海鹽調味，外賣另上，夠細心！老公食辣椒炒肉拌飯 (原價$58，再減$10)，小青椒好香，肉片小辣，配日本珍珠米。佢鍾意食香口嘢，勁讚嗰啲炸蝦醬雞翼($28/3隻)，鹹香惹味。我哋每人用$18，追加小食同飲品。剁椒皮蛋，香而不膩。話梅小蕃茄甜甜酸酸，味道清新多汁，食完個口仲有些少餘甘添！飲品有芒果乳酪梳打(加$4)同埋辣椒咖啡(加$4)。地址:香港仔南寧街14號香港仔中心五期地下4B號舖
我鍾意米線，不過老公要有飯落肚，買外賣變得有難度，因為要揾一間米線專門店，米飯做得同樣出色嘅⋯最近終於揾到啦！
米線選擇幾有港式風味：芫茜皮蛋脆鯇魚、紅燒排骨之類⋯ 我要咗酸菜排骨湯米線，原價$58，五點半後外賣自取，再減$10，好抵！ 湯底用海鹽調味，外賣另上，夠細心！
老公食辣椒炒肉拌飯 (原價$58，再減$10)，小青椒好香，肉片小辣，配日本珍珠米。佢鍾意食香口嘢，勁讚嗰啲炸蝦醬雞翼($28/3隻)，鹹香惹味。
我哋每人用$18，追加小食同飲品。剁椒皮蛋，香而不膩。話梅小蕃茄甜甜酸酸，味道清新多汁，食完個口仲有些少餘甘添！飲品有芒果乳酪梳打(加$4)同埋辣椒咖啡(加$4)。
地址:香港仔南寧街14號香港仔中心五期地下4B號舖
张贴
