粉色記憶 (已結業)

嘩，好辣呀，辣到要噴火~ 如果筆者同我的辣魔朋友講以上說話，多半會換來三個字：「辣！條！毛！」 所以，儘管辣得標眼淚，辣到流鼻涕，辣到瀨尿，我只能偷偷地飲冰水，或者汽水。有辣自己知。 話說回頭，香港地就係愈來愈多無辣不歡的人，那些四川酸辣粉、雲南米線等，才得以大行其道。地方小小的粉色記憶，只得幾張檯，以外賣為主打，我買了兩碗，與朋友邊食邊傾嘢。 首先是酸辣米線，小試牛刀性質，沒另加配料。米線是比較幼身，近似米粉，卻幾爽口。喜歡吃米粉的，應該會愛上這個。酸辣味型，跟酸菜魚有點相近。由於是日發癲，加大了酸度和辣度，所以都好很辣。 另外就是酸辣粉了，同樣是加酸加辣，紅噹噹既色水，可知辣度絕不嘢小，吃下果然辣到標眼淚，酸味亦不弱。粉條很滑，卻不易斷開，吃得過癮。 做人做事要有兩手準備，來一杯凍奶茶，作解辣之用，否則到時無人幫到我。想不到是幾香濃的，但稍為甜了點。 下次，要加肥腸！