茶跡 (已搬遷) 新店位置

\ 是日靚飲 /喺尖沙咀做完gym，出完成身汗，緊係要好好犒賞自己。口渴想飲啲甜野，就行咗去附近嘅《茶跡》買野飲。▫️招牌手打香水檸檬茶 $36茶底自身風味十分出眾，有獨特香氣。新鮮香水檸檬有四片，誠意十足。比普通檸檬，酸度更鮮明，清澈而不澀，解渴開胃。加入粒粒細椰果，增添嚼感，有咬口，甜味中和檸檬的酸味，令飲料更有層次。夏日時令解渴好伙伴～▫️葡萄益力多 $30又有驚喜！葡萄味配益力多原來咁夾～甜度可揀走甜，因為益力多本身有一定甜度，加上葡萄果味，已經足夠甜。特別加入爆珠，啜入爆珠後，在口中”啪”的一下爆開，口感十分過癮，飲得好開心。