蘭苑餐廳

营业中

休息中

中大既飯堂，果然真係幾有水準!室外清靜的環境，好似去左啲東南亞地方、好似泰國咁呀!今日天氣涼涼的，食起上黎特別舒服。叫左個套餐，有沙律，湯，野飲，包，主食!都係100蚊唔洗，我覺得ok值架，食環境都抵曬。開頭第一啖飲個玫瑰花桃茶蜜糖，覺得好酸好怪 。三隻味各自都好出，冇統一既感覺。但飲到一半就覺得其實都幾特別，尤其是個玫瑰花香好加分。事後飲曬杯野，我將啲玫瑰花攞黎沖水，沖左兩三轉都仲好香，證明係優質野。主餐冷麵溫度適中，用大量新鮮蔬菜好引起到客人既食慾。麵中的大蝦隻隻新鮮多肉，完全唔霉。淡淡的海鮮味中散發出蝦的鮮，讚!而麵質就差左少少，唔夠彈牙同爽，但整體胡麻味足夠，同海鮮尚算配合。最後建議個蒜蓉包可以多加牛油。