添好運點心專門店

营业中

休息中

添好運不嬲都好出名，之前試過陪外國朋友食過香港站嗰間，勁多人又有少少貴，搞到之後都好少再去添好運食，今日朋友提起，又再去試吓，主要都係為咗酥皮叉燒包而來。咩都唔使講，呢個真係王牌，唔識就你走寶，個酥皮焗得勁香脆，啲包又好軟綿綿，成為左最好嘅對比，而入邊嘅叉燒都肥瘦均勻，超級好食，睇返張相又想再食啦！其他點心，都唔錯的，但係對比其他茶樓選擇就唔算話好多，但係質素都唔差，我哋叫咗鳳爪、鳳爪排骨飯、蛋白春卷、仲有牛肉球。埋單之後覺得都好抵食，唔知係咪因為呢一間比較少遊客同本地啲？所以價錢比我印象中平，下次都會再返嚟呢間分店都食！