燚 (已結業)

放假去大埔探友人，佢一早就約左屋企附近一間鐵板燒。行到時門口緊閉，仲以為冇開門？禁完門鐘後發現入面已經有兩台食客食緊😂神秘感十足第一次黎就試下$588既入門套餐先啦🌟沙律沙律加上意大利黑醋汁和日本柚子汁，酸酸甜甜好開胃🌟海鮮有兩隻鮑魚同一隻大蝦煎到好香口，加埋蒜蓉醬真係一絕🌟肉類有日本宮崎豬同雞扒可以選擇，我就揀左豬。豬肉都軟淋有肉味，同一旁的菠蘿牛油汁都幾夾🌟炒飯🌟醉樂無極食鐵板燒又點可以唔飲酒？我叫左樽清酒，順滑清新，唔會好重味，夏天飲啱曬👍呢間餐廳師傅功架係ok的，可惜我個餐食材唔夠勁，下次都想黎試下高級d既餐