醉胡爐 (已搬遷) 新店位置

每次行過E條街都好想試下E間醉胡爐, 因為覺得個名幾有趣, 今晚終於約左朋友嚟試下😋! 入到去環境唔錯, 乾淨企理, 裝潢唔似一般火鍋店, 感覺比較新派! 食物選擇幾多, 除左可以打邊爐🥘, 仲有串燒🍢同刺身食, 而小妹同朋友就揀左打邊爐!鮮椰青雞鍋🥥🐔🥘一上枱果陣店員會先炒一炒入面嘅雞件🐔, 椰子🥥, 杞子同紅蘿蔔🥕, 再贊酒🍶炒香, 然後新鮮開一個椰青將汁液倒落去, 最後加入椰汁雞湯, 滾起即成😋! 一打開就聞到好濃郁嘅椰子味, 湯頭呈奶白色, 入口有椰子嘅清甜, 雞嘅鮮味帶微微酒香, 味道唔錯, 小妹都忍唔住飲左幾碗湯, 推介!👍🏻皇帝柱貝墨魚丸墨魚丸口感非常爽彈有口感XO鮑魚蝦餃皇🦐🥟餃子皮薄餡足, 食落幾重XO醬味, 蝦肉彈牙, 推介!花雕醉滑牛🍶🐂牛肉口感嫩滑, 烚完之後酒味仍然濃郁!秘製蝴蝶腩蝴蝶腩微脆肉味濃皇帝菜🥬平時覺得皇帝菜味道好濃, 但加落去椰子雞湯到又幾夾喎!